أشناهو الوقت ؟

 .شْحَالْ مْنْ وَاحْدْ غادِي يْڭولْ أنَّه هَذا سُؤالْ فشْكْل وْ فْلسَفِي، وْ هُوَ مَا فلسَفِي مَا وَالو

 :نبْدَاوْ مْنْ اللوّلْ

 .قال الله تعالى : وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ (102) سورة البقرة

 .مْنْ النَّاسْ اللوْلانِيينْ ألِّي خْمْمُو فْالحْسَابْ هُمَا لِّي كَانُو سَاكْنِينْ فْبَابْل، هِيَ بْغْدَادْ تدْرُوكا

 : بَانْ لنّاسْ تبَابْل أنَّه ثلاثة تالحْوَايْجْ تيْتْعَاوْدُو فْالأرْضْ

 .النْهَار وْ الليل، المْنازلْ تالقَمَرْ، المُوسْمْ

 :النْهَار وْ الليل

!!أوّلْ حَاجَة تنعْرْفُو بيهَا أنّ النهَارْ وْ الليل تيْتعَاوْدُو هُمَا حْنَا

Yin et yang chinois

.قال الله عز وجل : وَجَعَلْنَا اللَّيْلَ لِبَاسًا وَجَعَلْنَا النَّهَارَ مَعَاشًا،  سُورة النبَأ

:  يْعْنِي نقدْرُو نسْمّيوْ الحِصّة وْلّ الدّورَة مْصَاوْبَة مْنْ عِيشة وْ نعْسَة لي هِيَ نهَارْ وْ ليلة

…….عِيشة   نعْسَة  عِيشة   نعْسَة  عِيشة   نعْسَة  عِيشة   نعْسَة  عِيشة   نعْسَة

  …….   نهَارْ    ليلة    نهَارْ    ليلة    نهَارْ    ليلة    نهَارْ    ليلة     نهَارْ   ليلة

.هاديك الدورة ول التعاويدة تالنهار و الليل هي لي تنسميوها اليوم

اليوم  اليوم  اليوم  اليوم  اليوم  اليوم  اليوم  اليوم  اليوم

: المْنازلْ تالقَمَرْ

.القمَرْ عْنْدُو رْبْعَة تالمْنازْلْ تَيْتْعَاوْدُو، يْعْنِي رْبْعَة تالشْكالْ تَيْتْعَاوْدُو

.قال الله عز وجل : وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ

.سْمِّينَا التربيعة تسْبْعْ ٱيّامْ أسْبُوعْ، وْ سْمِّينَا الدُّورَة تاعْ ثلاثين يُومْ الشْهْر

: في رواية للبخاري : أن النبيَّ -صلى الله عليه وسلم- قال

  .إِنَّا أُمَّة أُمِّيَّة لا نكتُب ، ولا نَحْسُب، الشهر هكذا ، وهكذا – يعني مرة : تسعا وعشرين ، ومرة ثلاثين

 :المْنَازْل وْلّ المُوضْعْ تالقَمَرْ بالنّسْبَة لنْجُومْ بْالتفْصِيلْ عْنْدْ العْرْبْ هُمَا

 الشرطين، والبطين، والثريا، والدبران، والهقعة، والهنعة، والذراع، والنثرة، والطرف، والجبهة، والدبرة، والصرفة، والعواء، والسماك، والغفر، والزبانا، والإكليل، والقلب، والشولة، والنعائم، والبلدة، وسعد الذابح، وسعد بلع، وسعد السعود، وسعد الأخبية، ومقدم الدلو، ومؤخر الدلو، والحوت.

.إلَ حْسْبْتُوهُمْ غَادِي تلقاوْ 28 مْنزل وْلَّ مُوضْعْ

 :  المُوسْمْ

 .المُوسْمْ هُوَ الوْقتْ لِّي تتكونْ فِيهْ الغلة، بْحَالْ مُوسْمْ حْبْ المْلوكْ

 : وْبمَا أنَّهُ مْتعْلق بْالغلة، تَنْعْرْفُوهْ بْالحَالة تالجْوْ

 . الشّتوة، الرّبيعْ، الصِّيفْ وْ الخريفْ لي تنسميوهم الفصول

 :مثلا ناخْدُو الدُّورَة تالمْنُونْ

 . تَنْعْرْفُو أنَّهُ كل صِيفْ تيْكُونْ المْنُونْ طَايْبْ، وْ تنلقاوْ أنَّهُ مْنْ الصِّيفْ حْتى لصِّيفْ تيْدُورْ القمَر عْلى المْنازلْ 12  لمْرَّة

  .هَادْ الدّورَة تاع مْنْ الصِّيفْ لصِّيفْ سْمِّينَاهَا عَامْ وْلّ سَنَة

: وْ هْنَا يْبَانْ لِيكُمْ مْنِينْ جَا التسْبَاحْ لِّي وْلفْنَا ندِيرُوهْ مْنْ بْعْدْ كُلّ صَلاةْ

.قال الله عز وجل : لِإِيلافِ قُرَيْش إِيلافِهِمْ رِحْلَةَ الشِّتَاءِ وَالصَّيْفِ، مْنْ سُورة قريش

 : الحَصِيلْ

 .النّاسْ فبَابْلْ هُمَا لوْلانِيينْ ألِّي عْبْرُو الوْقْتْ

 : النَّاسْ تبَابْلْ لقاوْ أنّ

 : السْوَايْعْ، الدْقايْق وْ الثوانِي

 المُشكِل دَابَا هُوَ كِيفَاشْ النَّاسْ تبَابْل عْبْرُو الوْقْتْ تالنْهَارْ وْلّ الليلْ ؟

   .هذاك الطْرْفْ سْمَّاوْه الدّرْجَة وْلَّ السَّاعَة، يْعْنِي النْهَارْ مْقسُومْ عْلى 12 لسَاعَة

.يْعْنِى السَّاعَة بْالنّسْبَة لنْهَار بْحَالهَا بْحَالْ الشْهْر بْالنسْبَة لعَامْ

  .والليل حْتىَّ هُوَ قسْمُوه عْلى 12 لسَاعَة، يْعْنِي فْاليُومْ عْندْنَا 24 سَاعَة

.وْ مْنْ بْعْدْ بَاشْ يْكونُو دْقِيقِينْ فالعْبَارْ تالوْقتْ، قسْمُو السَّاعَة بْحَالْ الشْهْرْ عْلى 30  نهَارْ وْ 30 لِيلة

!! هُمَا يْسْمِّيوْ هَادْ القسْمَة، القسْمَة الدَّقِيقَة، يْعْنِي دْقَّة دْقَّة

.إذنْ عْندْنَا السَّاعَة مْقسُومَة عْلى 60 دْقِيقَة

.يْعْنِى الدَّقِيقَة بْالنّسْبَة لسَّاعَة بْحَالهَا بْحَالْ النهَارْ وْ الليل بْالنسْبَة لشْهْرْ

.وْمْعَ مَاكفَاتهُومْشْ القسْمَة لي زْعْمَة دْقِيقَة تَاعْ السَّاعَة، زادُو قسْمُو السَّاعَة مْرّة ثانيَة

!! هُمَا يْسْمِّيوْ هَاذ القسْمَة، القسْمَة الثانيَة

.يْعْنِي السَّاعَة مْقسُومَة عْلى 60 دْقِيقَة، وْ الدْقِيقة مْقسُومَة عْلى 60 ثانِيَة

.هَنثومَا دَبَا عْرْفتُو مْنِينْ جَا هَادْ الوْقْتْ لِّي تنْحْسْبُوهْ بْالمَڭانَة دْرُوكَا

وْهْنَا تيْطِيحْ عْلِينَا وَاحْدْ السُّؤالْ، بْعْضْ المْرَّاتْ تيْكُونْ النْهَارْ كبْرْ مْنْ الليلْ وْلَّ العْكْسْ ؟

.هُوَ فالحَقِيقة دِيمَا تيْكُونْ النْهَارْ وْ الليل مْخثالفِينْ، إلَّ يُومَيْنْ فْالعَامْ

.وَاحْدْ ف 21 شتَنبرْ تقريبا وْوَاحْدآخر ف 21 مَارْسْ تقريبا

!! هَاذ الثواريخْ غادِي يْفكْرُوكُمْ فْالبْدَايَة تالخريف وْ تالرْبيعْ

.Equinoxe تنسْمِّيوْ هَاذ اليُومَيْنْ، الاعْتِدالينْ بْالفَرَنسِيَة

.الساعة مْسَاوْيَة عْلى هَادْ اليُومَيْنْ الاعْتِدالينْ، لي النهار ڭدو ڭد الليل

: غَادِي يْكونْ بَانْ لِيكم أنَّهُ ڭاعْ هَادْشِّي لِي شْفْنَاهْ مْبْنِي عْلى حَاجَة وْحْدَة لِي هِيَ التعَاِويدَة

.Fréquence تنْسْمّيوْ التعَاويدَة بْالفصْحَى الترَدُّدْ، وْ بْالفرَنسِيَة

: Fréquence أهَمِّيَة التعَاويدَة

.قال الله عز وجل : إِنَّا أَنْزَلْنَاهُ فِي لَيْلَةِ الْقَدْرِ، وَمَا أَدْرَاكَ مَا لَيْلَةُ الْقَدْرِ، لَيْلَةُ الْقَدْرِ خَيْرٌ مِنْ أَلْفِ شَهْرٍ

.القرآنْ هْبْطْ للرْضْ فْوَاحْدْ الليلة سْمَّاهَا الله عز وجل ليْلة القدْرْ، كلَّ عَامْ تتعَاوْدْ هادْ الليلة بْحَالْ الغلة تالمُوسْمْ

!! ْالمُشْكِلْ هُوَ أنَّهُ مَا عْرْفنَاشْ المْنزلْ تالقمَرْ فهَادِيكْ الليلة، كُونْ عْرْفنَاهْ كونْ حْسْبْنَا التعَاِويدَة تلمنزلَ تلِيلة القدْرْ كلَّ عَامْ

.بْحَال كِي تندِيرُو فالبْدَايَة وْ النِّهَايَة ترْمْضَانْ، المْنْزْلْ تالقَمَرْ هُوَ الهِلالْ وْلّ حْدَا شِي نجْمَة

.قال الله تعالى : يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ

.يْعْنِي أنَّه أهَمْ حَاجَة هِيَ أنكْ تعْرْفْ التعَاويدَة  تأيِّ مُنَاسَبَة دِينِيَة بَاشْ تاخْذ الأجْرْ بْزَّافْ

!! ڭاع المُناسَبَاتْ الدِّينية نقدْرُو نحْسْبُوهُمْ إلا لِيلة القدْرْ ألِّي مَا عْرْفنَاشْ الوقِيتة تالمْرَّة اللوْلة

: هَادْ اللعِيبَة تالتعَاوِيدَة كتلقَاوْهَا فكلشِي ألي دَايْرْ بينَا

.12245 MHz مثلا إلَ بْغِيتِي تفرّجْ فالجَزيرَة الرِّيَاضِيَة، خْصّكْ تشْدْ التعَاويدَة

.هِيَ ٱثناش لألفْ وْ مْيَاتيْنْ وْ خْمْسَة وْ رْبْعِينْ مْليُونْ تعَاويدَة فالثانِيَة

.هْنا يْبَانْ لِيكُمْ أنّ التعَاويدَة أهَمْ مْنْ الوْقتْ، وْ هِيَ السَّاسْ تاعْ الوْقتْ

: دَابَا شوفُو مْعَايَا هَاذ الآيَة

.قال الله عز وجل : كَيْفَ تَكْفُرُونَ بِاللَّهِ وَكُنتُمْ أَمْوَاتاً فَأَحْيَاكُمْ ثُمَّ يُمِيتُكُمْ ثُمَّ يُحْيِيكُمْ ثُمَّ إِلَيْهِ تُرْجَعُونَ

…….          المَوتْ         الحَيَاةْ           المَوْتْ

!! عْالله نكون وْرِّيتكم مْنظر وَاحْدَآخْر ترْمْضَانْ، وَ رَمَضَانْ كريم عْلِينَا وْ عْليكُم وْ عْلى جَمِيعْ المُسْلِمِينْ

: نخليكم شوية مْعَ بْعْضْ الآيَاتْ القرآنية

.قال الله عز وجل : إِنَّهُ هُوَ يُبْدِئُ وَيُعِيدُ

.قال الله عز وجل :أولم يروا كيف يبدئ اللّه الخلق ثم يعيده إن ذلك على اللّه يسير

.قال الله عز وجل : الله يبدأ الخلق ثم يعيده ثم إليه ترجعون

.قال الله عز وجل : يَوْمَ نَطْوِي السَّمَاءَ كَطَيِّ السِّجِلِّ لِلْكُتُبِ ۚ كَمَا بَدَأْنَا أَوَّلَ خَلْقٍ نُعِيدُهُ ۚ وَعْدًا عَلَيْنَا ۚ إِنَّا كُنَّا فَاعِلِينَ

: قال الله عز وجل

يَسْأَلُونَكَ عَنِ السَّاعَةِ أَيَّانَ مُرْسَاهَا، فِيمَ أَنتَ مِن ذِكْرَاهَا، إِلَى رَبِّكَ مُنتَهَاهَا، إِنَّمَا أَنتَ مُنذِرُ مَن يَخْشَاهَا، كَأَنَّهُمْ يَوْمَ يَرَوْنَهَا لَمْ يَلْبَثُوا إِلاَّ عَشِيَّةً أَوْ ضُحَاهَا

.و الله يسمح لينا من علماء الدين